Saameynta Itoobiya iyo Kenya ee arrimaha ictiraaf raadinta Somaliland
mu
0FSXcLQwf0fOAe25GA3_c0Rcw=s259" style="display: block; padding: 1em 0; text-align: center; ">
uqdo
Saameynta Itoobiya iyo Kenya ee arrimaha ictiraaf raadinta Somaliland
, .
Baarlamaanka UK ayaa yeeshay dood ku saabsan Ictiraafka Jamhuuriyadda Iskeed Madax Baaanida ugu dhawaaqday ee Somaliland.
Xildhibaanka doodda horkeenay baarlamaanka UK ayaa soo bandhigay waxyaabaha ay ku mudan tahay Somaliland in la ictiraafo.
Isaga oo ku dooday in 30-kii sano ee ugu dambeysay ay Sooomalinad ku tallaabsatay horumar dhinacyo badan.
Dhanka kale Dowladda UK ayaa caddeysay Mowqifkeeda ku aaddan Somaliland.
Wasiiro dowlaha UK u qaabilsan Yurub oo dhanka dowladda u hadlayay islamarkana ku sugnaa aqalka baarlamaanka ayaa dhankiisa su'aalo laga waydiiyay mowqifka dowladda ee ku wahajhan soomaaliland.
Chris Heaton-Harris ayaa sheegay in mowqifka UK uu yahay in ay dhiirigalinayaan in qaddiyadda Soomaaliland ay ka wadahadlaan madaxda Muqdisho iyo Hargeysa."Mowqifka dowladda UK ay arrintan ka qabto wuxuu aha mid joogta ah waxna iskama badalin,waxaan muddo dheer dhiirragelineynay wadahadallad ay arrintan ka yeeshaan mas'uuliyiinta labada dhinac ee Muqdisho iyo Hargeysa xiriirka mustqbalka labada dhinac ka dhaxeyn karo, waana sidii wadeynaa inaan sidaa sameyn" ayu yiri Mr Harris.
Dhanka kale Vicky Ford oo ah Wasiirka Arrimaha Afrika u qaabilsan dwoladda Ingiriiska ayaa iyaduna ka hadashay doodda Aqoonsiga Somaliland waxaa ayna sheegtay in mowqifka UK ee ku wajahan uu yahay mid cad islamarkana ay dowladda federaalka iyo Somaaliland ay u taallo in mustaqbalkooda ay ka arrinsadaan .
Saameyn nooce ah ayay dalalka Kenya iyo Itoobiya ku yeellan karaan arrimaha murugsan ee Soomaaliya iyo Somaliland?
Kenya
Kenya iyo dowladda federaalka Soomaaliya ayaa waxaa sannadadii ugu dambeeyay waxaa ka dhexeey khilaaf aad u xooggan oo salka ku hayay arrimaha diblomaasiyadda.
Kenya oo taas ka faa'iideysanaya ayaa waxay xoogga saartay inay soo dhaweysato Somaliland oo dhacdadii ugu dambeysay waxay ahayd markii madaxweynaha Jamhuuriyadda Iskeed ugu dhawaaqday Madaxbanaanida ee Soomaaliland si weyn loogu soo dhaweeyay magaalada Nairobi.
Dhanka kale Bishii Diseembar ee sannadkii 2020-ka Raila Odinga oo markaasi ahaa Ergaygii gaarka ah ee Midowga Afrika ayaa Midowga ugu baaqay in la dedejiyo hannaanka aqoonsiga Somaliland loogu aqoonsanayo dal si buuxda u madaxbannaan.
Raila ayaa sheegay hadalkaasi ka dib markii uu la kulmay madaxweyne Muuse Biixi Cabdi oo markaasi booqasho laba maalmood ah ku yimid Kenya.
Isagoo markaasi ka hadlayay xarunta Villa Rosa Kempinski ee magaalada Nairobi, ayuu sheegay in aysan suurtagal ahayn in mar kale la isku keeno Soomaaliya iyo Somaliland.
"Midowga Africa waxa ay u baahan yahay in uu ku baraarugo xaqiiqada ah in aanay mar dambe suurtogal ahayn in la isu keeno labadan dal, oo loo aqoonsado laba dal oo kala duwan," ayuu Raila markaasi yiri.
Itoobiya
Dowladda Itoobiya ayaan inta badan ka hadlin qaddiyadda gooni isu taagga ee Soomaaliland inkastoo magaalada Addis Ababa ay Somaliland ku leedahay qunsul matala.
Madaxweyne Muuse Biixi oo bbooqasho ku tegay xarunta warshadaha ee Hawassa
Waxaa xusid mudan in madaxweyne Muuse Biixi uu shalay ka soo laabtay safar uu ku tagay dalka Itoobiya gaar ahaan magaalada Addis Ababa iyo Hawaase.
Booqashada ayaa waxaa madaxweynaha Somaliland ku wehliy madaxweynaha gobolka Sidama, Desta Ledamo, wasiirka maaliyadda, Axmed Shide, wasiirka arrimaha dibadda, Ambassador Redwan Hussein, guddoomiyaha guddiga maalgashiga Lissie Neme iyo madax kale oo ka tirsan dawladda.
Hase yeeshee bartamihii sannadkii 2019-kii Itoobiya ayaa ka hadashay qoraal lagu arkay bogga intarnet-ka ee wasaaraddeeda arrimaha dibedda, kaas oo Somaliland iyo Puntland lagu daray liiska dalalka ay matalaad diblumaasiyadeed ku leeyihiin.
Itoobiya waxay sheegtay inay aqoonsan tahay madaxbanaanida Soomaaliya.
Afhayeenka wasaaradda arrimaha dibadda ee Itoobiya, Nebiyat Getachew, ayaa BBC u sheegay in "Puntland iyo Somaliland ay u aqoosan yihiin in ay hoostagaan dowladda federaalka ee Soomaaliya".
"Waxaan safaarad ku leenahay Muqdisho. Somaliland iyo Puntland waxaan ku leenahay xarumo diblumaasiaydeed", ayuu markaasi sheegay afhayeenka.
"Boggeena arrimo badan ayaa ka waana eegeynaa", ayuu hadalkiisa ku daray.
Farmaajo iyo Abiy
Danjire Ciid Bedel oo ahaan jiray safiirka Soomaaliya u fadhiya qaramada Midoobay oo markaasi la hadlay BBC-da ayaa sheegay, "Siyaasaddan waa siyaasad ka horeysay Dr Abiy Axmed. Siyaasaddan waxaa dajisay dowladdi Meles Zenawi. Siyaasaddeedi ku wajahnayd Soomaaliyana waxay ahayd iney Soomaaliya kala qaybiso, inteeda badanan Itoobiya lagu daro, inta soo hartana ama Kenya lagu daro ama wixii kale ee laga sameyn karo laga sameeyo."
Khariidaddaas hore ayaa meesha ka saaraysay Soomaaliya, balse waxaa la soo reebay Jamhuuriyadda iskeed ugu dhawaaqday madaxbannaanida ee Somaliland.
Waxaa ka sii horreysay khariirad ay Itoobiya Soomaaliya meesha kaga saartay, taas oo iyadana muran badan dhalisay.
No comments:
Post a Comment